Spazerengahn in Eutin – Mang Blomen un Water

Kulturzeitschrift Schleswig-Holstein Landesgartenschau Eutin Marianne Ehlers Foto Gerd Warda

Wat is dat eenmal schöön – dat Gelänn mit all de wunnerboren Blomen un Planten liggt vör ehr. De Daam mit den Blomenhoot maakt sik op den Weg un spazeert över de Landsgoornschau in Eutin. Wohrhaftig, wat se dor to sehn kriggt, dat is de Kiek weert.

Vun den groten Ingang ut sünd de Immen to sehn. Nee, nich de lütten lebennigen, de af un an mal steken doot – meent sünd de smucken groten Immendeerten op de Wisch vun de Landfruens. Dat maakt Spaaß, ehr nipp un nau to bekieken. Un denn is se merrn binnen – smucke Huusgoorns, apartig torechtmaakt mit Gras un Blomen wesselt af mit Steden to’n Sitten.

An verscheden Steden kann een „plietsch“ warrn – wat schall dat nu bedüden? Ganz eenfach: „plietsch gröön“, dat is sowat as en School oder Kinnergoorn buten. Hier köönt de Lütten un nich mehr ganz so Lütten kamen un wat över Natur un Goorns un Planten to weten kriegen. Fein, dat freut de Daam mit den Hoot ganz besünners. Un wokeen mal wat över Deerten to weten kriegen will – ok dat is keen Problem.

Marianne Ehlers spaziert über die Landesgartenschau in Eutin

Diesen Artikel online lesen oder Print-Ausgabe bestellen