Beste Frünnen

Horst Skodllerrak- Brodtener Lanschaft, 1952. Freundeskreis Schloss Gottorf

Jeedeen Minsch bruukt Frünnen – tominnst een, twee oder ok dree. Un dat sünd denn ok meistto nich blots gode Frünnen, dat sünd de besten Frünnen. De Minschen, de ümmer för een dor sünd – mit Hölp un Stütt, mit Knööv un Kraasch. Wat ok en Museum beste Frünnen bruukt? Dat lücht uns in. Man wat de denn op de Been stellen köönt, dat kann een op Slott Gottorp beleven.

Kiekt wi doch mal torüch: en lütten Krink vun Lüüd – de söven, de een de bruken deit för en Vereen – innt sik in dat Johr 1949 tosamen. Jüst is dat Museum op Slott Gottorp nee grünnt worrn. Veer Johr na dat Enn vun den Tweeten Weltkrieg köönt de Köpp wedder free warrn un apen för Kunst un Kultur in uns Land. Kloor is, wat dat mit Geld för düt Rebeet noch wat mau utsüht. Dat gift veel, wat anners noch beschickt warrn mutt in Sleswig-Holsteen.

De Lüüd in den lütten Vereen wöllt hölpen. Un so kümmt he mit sien Arbeit düchtig in de Gang, düsse „Freundeskreis Schloss Gottorf e.V.“ De Vereen köft Biller un  skulpturen, Grafiken un Kunsthandwark-Stücken un hölpt so dat Museum düchtig. Wat wichtig is un to dat Huus passen kann, warrt na un na sammelt.

Marianne Ehlers über den Freundeskreis Schloss Gottorf

 

Diesen Artikel online lesen oder Print-Ausgabe bestellen