Wendy Vanselows friesische Kolumne: Amso maner, amso muar

Kulturzeitshcirft Schleswig-Holstein Wendy Vanselows friesische Kolumne

Verstehen Sie Friesisch? Mit rund 10 000 Sprechenden ist Nordfriesisch, gesprochen im äußersten Nordwesten Schleswig-Holsteins eine der kleinsten Sprachen Europas. Unsere Autorin Wendy Vanselow gibt zu jeder ihrer Kolumnen ein paar Volkabelhilfen.

En saag, am wat ik al muarsis spikeliaret haa, ei iarst, sant ik nü mam faan en letj dootje san (wat nögen!!): as at ei fölsis so, dat det, wat wi‚poetisk‘ nääm of uk ‚geniool‘ of gans algemian ‚konst‘, goorei komplitsiaret as, man skiinboor lacht an ianfach?! At as jo wilems so, of nü uun moolerai, architektur, design of musik, dat a kritiker werken huuger schätse, wan’s abstrakt san, wan’s ales wechläät, wat ei nuadag dää. An wan’s ään likers auerrasche an irgendhü ünkonwentionel san. Det wurt jo dialwiis so widj drewen, dat en blä iarkant üüb leinwand miljoonen koostet an di mooler diarför huuch unsen as.

Of dat hoker njoks üüs konst ferkääft an altermaal sait: det hed ik uk küden! A wiard as oober ferlicht: at as goorei lacht, so ‚primitiiw‘ tu seenken. Jongen kön det noch. Wan jo en mensk moole, wat bluat ütj streger bestäänt. Of wan jo mä en stook spele an jo föörstel, dat det en dinosaurierknook of gans wat ööders as. Ferlicht feert en letj kint en leewent uun en tustand, faan wat en konstler bluat drem kön an wat di ään of ööder mä halep faan Drogen of alkohol bääftefterjaaget. Open minded, so tu saien.

Wendy Vanselows friesische Kolumne: Amso maner, amso muar

Diesen Artikel online lesen oder Print-Ausgabe bestellen