Wan ham wat neis (ei) brükt – Wendy Vanselows friesische Kolumne

Ik kön mi noch gud diarüüb beseenk, hü man aatj leewen weder tu min mam saad: „Dieter/Helge/Werner hää ham nü jüst en neien gril/kompjuuter/waanj kääft. Wat en ünsan!Det hää 500/5000/500000 euro koostet!“ Ham wost gliks: at waaret ei loong, do komt papa uun mä: „Ik haa ans efterluket an sowat äänelks woort tufelag uk bi Bauhaus/Media Markt/uun’t internet uunbeeden.“ Ei säälten kääft hi at aanj en ööder model, wat noch föl beeder wiar, oober uk en liitjeletj betj muar koostet …

Ik küd ham gud ferstun. Tu’n bispal haa ik jüst föör, en betj muar faan aran ütj of faan onerwais tu werkin an diarför brük ik – wat uk ööders – en neien laptop. Ik haa en betj googeld an san üüb en gonstag an fein model stupt, wat nü jüst bi en discounter ütjkomt. At as smok an lingt wel för det, wat ik föörhaa. Wat spiitag, dat at ei hir bi üüs uun Nuurdsjiisklun tu fun as. Do man widjerluke. Uuha, detdiar model as chic! Sowat faan chic! An det klöör! A pris as natüürelk huuger, üs wat ik ütjdu wul, man naja, för so’n klöör … Dach wat sait di online-test? At tastatüür küd beeder wees, man jüst det brük ik jo nuadag an fölsis. Do man widjer.

Gesamten Artikel online lesen oder Print-Ausgabe bestellen


Text und Bild:

Dr. Wendy Vanselow
Abteilung für Frisistik an der Christian-Albrechts-Universität zu Kiel,
in Zusammenarbeit mit dem Nordfriisk Instituut, Bräist/Bredstedt